Dy shqiptarë, babë e bir të moshës 50 dhe 23 vjeç, u arrestuan të enjten në Itali nën akuzën e trafikut të lëndëve narkotike pasi u kapën në zotërim të rreth 30 gram kokainë.
Sipas mediave vendase, ata u bllokuan nga agjentët e seksionit VI të skuadrës së lëvizshme, të drejtuar nga Marco Calì dhe Massimiliano Mazzali, të cilët kishin zbuluar aktivitetin e shqiptarëve dhe kishin punuar për një kohë të gjatë për të lokalizuar banesën e tyre. Rreth orës 19:30, policët përgjuan 23-vjeçarin në via Galilei në Pioltello dhe e bllokuan para se të vinte alarmin tek të afërmit e tij.
Gjatë kontrollit u zbuluan rreth pesëmbëdhjetë mbështjellës kokaine gati për shitje, 14 më të vogla brenda një mobiljeje në hyrje me 6.34 gram, një më e madhe në një dollap kuzhine me peshë 22 gram, si dhe një llastiqe dhe gjithçka që nevojitet për të paketuar dozat, plus 3 mijë euro cash.
Në momentin që hetuesit po përfundonin hetimet, në shtëpi është kthyer edhe 50-vjeçari, të cilit iu gjet një dozë. Të dyve iu vunë prangat dhe u dërguan në burg.
Discussion about this post