Kryetari i ri i Bashkisë Librazhd, Mariglen Disha po ecën në hapat e paraardhësit Kastriot Gurra, madje po vulos aferat që kishte lënë përgjysmë Gurra. Tani në mes të gushtit është kujtuar të shtrojë një rrugë, plani për të cilën ka nisur 9 vjet më parë. Bëhet fjalë për tenderin me objekt me objekt “Sistemim asfaltim i rrugës se fshatit Kokreve faza e I-rë, Njësia Administrative Hotolisht, Bashkia Librazhd”. Pikërisht shtrimi i kësaj rruge është premtuar që në zgjedhjet e vitit 2015 nga ish-kryebashkiaku Kastriot Gurra.
Tenderi me pa garë!
Por, duke qenë se ishte i zënë me afera të tjera, kjo rrugicë fshati nuk u shtrua kurrë. Dhe është marrë tani në dorë si një mundësi për të nisu aferat dhe për të afruar biznesmenët e besuar.
Për këtë tender Disha ka vënë në dispozicion fondin limit me vlerë 830 milionë lekë. Në dokument shihet se kanë paraqitur ofertat e tyre 6 firma dhe njëra prej tyre kishte vlerën më të ulët, por u skualifikua së bashku me 4 oferta të tjera që në fazën e parë. Në garë mbeti vetëm oferta e firmës BAJRAMI N.” Shpk, në pronësi të Nazif Bajramit.
Edhe pse kishte oferta të tjera më të lira, Bajrami e mori tenderin dhuratë nga Mariglen Disha. Dhe rezultati përfundimtar është 717 milionë lekë, që xhirohen në llogarinë e Bajramit. Kështu kontrata u firmos pa garë fare dhe brenda 6 muajve këto para do të kalojnë në arkën e fituesit. Shpresojmë që rrugën të mos e shohim në këtë gjendje sërish vitin tjetër!
Kompania e përfshirë në aferën e plehrave
Kompania e Nazif Bajramit është përfshirë edhe në aferën e madhe korruptive për landifillin e Elbasanit. Konkretisht, projekti në llojin “landfill-krematorium” në Xibrakë, me lëndë të parë grumbullim dhe import mbetjesh plastike spitalore e mjekësore, gom-plastika automjetesh mbetje karburantesh me rrezikshmëri tepër të lartë, për të cilat Shqipëria nuk ka leje dhe kushtet sipas direktivave eruopiane për asgjësim apo përpunim mbitokësor.
Por, në 2020 Bashkia Elbasan zgjodhi t’ia kalojë këtë projekt kompanisë “Bajrami N shpk” ku më pas u zbuluan skandale dhe lidhje me bandat.
Në një raport të EUROPOL dhe SHISH evidentohet s biznesmeni Nazif Bajrami dhe gruaja e tij Anduena Bajrami (Prifti), qysh prej muajit nëntor 2017, janë me dosje penale ende në proces hetimi nga Prokuroria e Përgjithshme, skeduar për 70 milionë Euro pasuri bankare e fizike, të siguruar nga biznese dhe aktivitete korruptive e kriminale, në bashkëveprim me bandën “Xibraka-Sanxhaktari-Çela”
Duke marrë parasysh edhe tenderët e denoncuar disa javë më parë, shohim se Mariglen Disha po i përzgjedh një e nga një oligarkët me të cilët do të vazhdojë bashkëpunimet e thurura nga kolegët “rilindas”.
Lexo edhe:Djalli sprovon Gledis Nanon, Komisioni i tenderit eleminon rivalët e Bajramit
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post