Gentian Malindi i shumëkërkuari për 137 kg kokainën që u kap tre vite më parë në një kontejner në Portin e Durrësit, është vënë sot në pranga në afërsi të Vorës. Burime bëjnë me dije se Malindi është kapur në mjetin e tij, gjatë kontrolleve rutinë nga policia.
Efektivi i patrullës i ka kërkuar dokumentet e identifikimit. Malindi iu dha një mjet identifikimi të një personi tjetër dhe jo të tijin, megjithatë ai është vënë në pranga pasi është zbuluar.
Kush është Gentian Malindi?
Malindi me profesion jurist, është djali i avokatit Ilir Malindi. Ai është një person me precedent të mëparshëm penal.
Më 8 qershor të 2013 ai është arrestuar nga policia pasi kap me 500 kg drogë të llojit kanabis sativa, por më vonë gjykata e liroi. Droga u kap nga policia në zonën e Plazhit, e fshehur në furgon tip “Benz Mercedez”, me targë AA 938 AE, e cila kishte si destinacion Italinë.
Por 45-vjeçari është i njohur në fushën e biznesit të peshkut. Ai ka në pronësinë e tij varkë e cila peshkon në detin Adriatik, që në QKR mban emrin e biznesit “Anyëay”.
Më 18 nëntor të 2018 Malindi, ka paditur edhe Policinë Kufitare, pasi sipas tij nga kontrollet e njëpasnjëshme që i ka bërë në varkën e peshkimit, i shkaktuan dëm ekonomik e moral. Madje babai i tij, Ilir Malindi më 30 tetor të 2014 ka paditur në Gjykatë edhe ish-ministrin Saimir Tahiri, se Policia Shtetit përndjek dhe dhunon djalin e tij për këtë çështje. Ai kërkoi në gjykatë 5 milionë dëmshpërblim.
Në 27 nëntor të 2019, 4 kontejnerë nga Ekuadori u pikasën në portin e Pireut, ku policia greke konstatoi se gjendeshin 137 kilogramë kokainë me destinacion Portin e Durrësit, ku priteshin nga Gentian Maldini.
Discussion about this post