Qeveria bjelloruse ka vendosur të hakmerret ndaj BE dhe SHBA, për akuzat që këto të fundit i kanë bërë për krizën me emigrantët dhe sanksionet e vendosura pak ditë më parë. Alexandër Lukashenko ka deklaruar ditën e sotme se, do të ndalojë disa importe ushqimore nga vendet perëndimore duke filluar nga viti i ardhshëm për t’u kundërpërgjigjur sanksioneve të vendosura kundër saj.
Sipas medieve të huaja, ky vendim i cili do të hyjë në fuqi më 1 janar dhe do të zgjasë gjashtë muaj, mbulon mishin e viçit, derrit, disa perimeve, qumështit, frutave dhe arrave nga Bashkimi Evropian, Shtetet e Bashkuara, Kanadaja, Britania, Norvegjia dhe disa vende të tjera
Kujtojmë se, shtetet e Bashkuara dhe aleatët e tyre, përfshirë BE-në, vendosën sanksione javën e kaluar kundër dhjetëra individëve dhe subjekteve në Bjellorusi për të përshkallëzuar veprimet ndëshkuese kundër presidentit Alexander Lukashenko dhe qeverisë së tij.
Bashkimi Evropian ka akuzuar Bjellorusinë se ka fluturuar me mijëra emigrantë nga Lindja e Mesme dhe se i shtyn ata të kalojnë në bllok në hakmarrje për sanksionet e BE-së të vendosura për shtypjen e protestave nga Lukashenko kundër rizgjedhjes së tij të diskutueshme vitin e kaluar. Bjellorusia i ka mohuar akuzat.
Discussion about this post