Një ngjarje e rëndë ka ndodhur në Bejrut, ku nga dy shpërthime të mëdha dhe nga të shtëna me mitraloz ditën e sotme kanë mbetur të vrarë 2 persona dhe u plagosën 7 të tjerë.
Përkrahësit e Hezbollahut dhe lëvizjes Amal ishin mbledhur pranë gjykatës për të protestuar kundër gjyqtarit Tarek Bitar, kreut të hetimit të shpërthimit në portin e kryeqytetit libanez.
Libani është tronditur muajt e fundit nga trazirat dhe mungesa e energjisë, me ndërprerje të vazhdueshme të energjisë sidomos gjatë javëve të fundit. Dy nga shtatë të plagosurit janë në gjendje kritike, sipas Dr. Mariam Hassan nga Spitali Sahel.
