BKH dhe SPAK kontroll në shtëpinë e Arben Ahmetajt

Oficerët e Byrosë Kombëtare të Hetimit dhe hetuesit e Prokurorisë së Posaçme Kundër Korrupsionit dhe Krimit të Organizuar (SPAK) po ushtrojnë kontrolle në shtëpinë e deputetit të Partisë Socialiste Arben Ahmetaj.

BKH dhe SPAK janë duke zhvilluar kontrolle edhe në banesën e ish-bashkëshortes së Ahmetajt. Mësohet se është kontrolluar shtëpia ku jeton ish-bashkëshortja e Ahmetajt, Albina Mançka dhe dy vajzat e tij.

Gjithashtu, oficerët e Byrosë Kombëtare të Hetimit dhe hetuesit e Prokurorisë së Posaçme Kundër Korrupsionit dhe Krimit të Organizuar (SPAK) kanë ushtruar kontroll edhe në vilën që ndodhet në Gjirin e Lalëzit, e cila rezulton të jetë në pronësi të partneres së Ahmetajt, Erjola Hoxha. Në vilën e Hoxhës janë gjetur 30 mijë euro, por nuk dihet nëse kjo shumë parash është sekuestruar. SPAK po heton rolin e Arben Ahmetaj në aferën e inceneratorëve.