Byroja Kombëtare e Hetimit ka përfunduar kontrollet në apartamentin e ish-ministrit Ilir Beqaj në Vlorë.
Oficerët e SPAK, kanë lënë banesën e Ilir Beqaj në Lungomare , nga ato që shohim vetëm dosje, shkresa kanë nëpër duar. Nuk dihet çfarë kanë kërkuar të gjejnë dhe çfarë ka marrë në banesën e Beqajt. Para se te arrestohej, Beqaj çdo fundjavë së bashku me familjen e tij, vinin në Vlorë tek kjo banesë.
Mësohet se kontrollet në banesën e ish-ministrit janë kryer me urdhër të SPAK dhe kanë nisur rreth orës 15:30 të pasdites së sotme, në një apartament në katin e 7 të një pallati pranë Lungomares. Bëhet e ditur se dera e apartamentit është hapur me forcë nga forcat zjarrfikëse.
Kujtojmë se ndaj Beqajt, është vendosur masa e sigurisë “Arrest në burg” dhe ndodhet në qeli për abuzim me fondet e BE në SASPAC.
Sipas SPAK, ish-ministri Beqaj në kohën që ka mbajtur detyrën e drejtorit të Agjencisë Shtetërore të programeve strategjike, e njohur ndryshe si SASPAC, ka ngritur një skemë të mirëfilltë korruptive me qëllim përfitimin e shumave të parave nëpërmjet duke organizuar tendera fiktivë.
Mbi të rëndojnë akuzat “Korrupsioni pasiv i funksionarëve të lartë shtetërorë”, “Refuzimi për deklarimin, mosdeklarimi, fshehja ose deklarimi i rremë i pasurive, interesave privatë të personave të zgjedhur dhe nëpunësi publik ose çdo personi tjetër, që ka detyrimin ligjor për deklarim”, “Shkelja e barazisë së pjesëmarrësve në tendera apo ankande publike”, si dhe “Mashtrimi”.
Dy ditë më parë, më 22 korrik, ish-ministri i Shëndetësisë, Ilir Beqaj ka ankimuar në apelin e GJKKO, masën e sigurisë arrest me burg. Avokati i tij mbrojtës ka thënë se ish-ministri nuk ka rrezik që të largohet jashtë vendit apo të prishë provat.
gijotina.com/
Discussion about this post