“Black out” në të gjithë Shqipërinë, ndërpritet energjia elektrike

E gjithë Shqipëria ka qenë në “black out” mesditën e kësaj të premte. Nga Kukësi në Sarandë qytetarët kanë mbetur pa energji elektrike për gati 30 minuta.

Burime bëjnë me dije se shkak i kësaj ndërprerje është bërë linja Tiranë-Podgoricë e cila ka rënë. Gradualisht situata po kthehet në normalitet.

Raportohet se ka mungesë të energjisë edhe në shumë qytete të tjera si Durrësi, Fieri, Lushnja, Elbasani, Pogradeci, Korça, Shkodra, Kukësi etj.

Energjia elektrike vijon të jetë e ndërprerë në Tiranë, ndërsa në shumë rrethe është rikthyer.

Ndërkohë, deri më tani nuk ka një reagim zyrtar, por priten më tepër detaje në vijim.