Aktivistja suedeze, Greta Thunberg, përdori fjalimin e saj në konferencën “Youth4Climate” në Milano për të tallur fjalët e liderëve botërorë, përfshirë kryeministrin britanik Boris Johnson, duke i konsideruar fjalët e tyre si “blah blah blah”.
18-vjeçarja citoi deklaratat e Boris Johnson dhe të Narendra Modi për të nxjerrë në pah ato që ajo i quajti si “fjalë dhe premtime boshe” të politikanëve.
“Do të ndërtojmë më mirë. Blah blah blah. Ekonomia e gjelbër. Blah blah blah. Net-zero deri në vitin 2050. Bla, blah, blah, ”tha Greta. “Kjo është gjithçka që dëgjojmë nga të ashtuquajturit udhëheqësit tanë. Fjalët që tingëllojnë shkëlqyeshëm, por deri më tani nuk i kanë çuar në veprim. Shpresat dhe ambiciet tona mbyten në premtimet e tyre boshe. ”
Më vonë në fjalim, ajo u bëri thirrje njerëzve të mos humbasin shpresën, duke thënë se ndryshimi është “jo vetëm i mundshëm, por urgjentisht i nevojshëm”.
