Ministri i Ekonomisë, Kulturës dhe Inovacionit, Bledi Gonxhe, nuk iu ndahet fondeve të spitaleve, duke rinovuar gjithçka përmes prokurimeve që i bën pa garë. Duke përdorur Operatorin e Blerjeve të Përqendruar që është në varësi të tij, ministri Gonxhe kontrollon çdo qindarkë që marrin spitalet.
Së fundmi, është zhvilluar tenderi me objekt “Blerje Perde Roller për ambientet e spitalit” për DSHS “Shënjta Mari” Mirditë”. Ky spital pas shumë vitesh u rikonstruktua në vitin 2023. Pas një viti vjen ministri Gonxhe dhe gjen diçka që i mungon spitalit! Duhen perde, që sipas tenderit të Gonxhes, do të kushtojnë 23 milionë lekë (pa llogaritur TVSH).
Tenderi është shpallur më 17 tetor 2024 dhe ka qëndruar e hapur gara vetëm 10 ditë, por normal se perdet gjenden kollaj dhe nuk kanë nevojë kaq lekë.
Sipas të dhënave u dorëzuan 3 oferta dhe më datë 6 nëntor shohim që është marrë vendimi në rrugë të parregullt.
Në dokument tregohet se 2 oferta janë përjashtuar menjëherë nga procedura për shkak se kanë mungesë dokumentacionesh. Këto mund të plotësoheshin, nëse Operatori do t’i kishte vënë në dijeni bizneset pjesëmarrëse.
Në fazën finale ka kaluar vetëm oferta e bashkimit të operatorëve BAJRO BROS shpk – MUCA shpk me vlerë 17 milionë lekë, që në fakt ishte edhe oferta më e shtrenjtë.
Me këto kushte, pa konkurrentë dhe ofertën më të shtrenjtë, komisioni i Gonxhes shpalli fitues bashkimin e operatorëve BAJRO BROS shpk – MUCA shpk më datë 6 nëntor.
Komisioni i Vlerësimit të ofertave nuk është lodhur shumë, pasi fituesi është i favorizuar dhe është ditur ë më parë.
Kontrata është vlerësuar me “Flamurin e Kuq” nga Open Data Albania, për të treguar riskun e korrupsionit. Gjithsesi, ministri Gonxhe nuk reagon, sepse për këto tendera është sjellë në krye të ministrisë.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post