Kreu i DPSHTRR, Blendi Gonxhja, ka prezantuar sot formatin e ri të lejes së drejtimit për automjetet. Pemës një postimi në Facebook, ai tregon se kjo leje e re do të sjellë lehtësi dhe benefite për shoferët. Së pari ajo do të kushtojë 40% më pak, nuk ka afat të vlefshmërisë dhe nuk dëmtohet lehtë pasi ka material shumë rezistente.
“Së shpejti! Leja e re e Qarkullimit të Mjetit Rrugor! AVANTAZHET direkte për qytetarët: Sot paguhet 3,500 lekë për lejen aktuale, certifikatën e pronësisë dhe lejen ndërkombëtare të mjetit! Leja e re që unifikon dokumentet e mjetit në 1 do kushtojë vetëm 2,100 lekë, -40%!
Leja e re nuk do ketë vula kolaudimi, pra nuk do bëhet e pavlefshme nga mungesa e vendit për vula si leja aktuale! Leja e re nuk ka afat vlefshmërie! Leja e re përfshin të dhëna sipas kodeve të BE, datë regjistrimi për herë të parë, vit prodhimi, qiramarrës, etj! Leja e re unifikon të dhënat dhe eliminon Certifikatën e Pronësisë së Mjetit! Leja e re nuk dëmtohet nga lagështia ose palosjet, nuk griset si leja aktuale”, shkruan ai.
Ndër të tjera, ai njofton se kjo leje do të jetë kodin e siguresë dhe se është bazuar në modelin Gjerman. Sipas Gonxhaj, leja e re për drejtimin e automjetit do të mbajë në të çdo të dhënë të nevojshme, por do të jetë më praktike për t’u mbajtur dhe identifikimi bëhet më lehtë.
“Leja e re do ketë edhe QR code drejtpërdrejt nga sistemi e DPSHTRR, mikrotekst, vizatim e grafika që ndryshojnë ngjyrën në këndvështrime të ndryshme drite, etj! Personalizimi me puntim!
– Cilësia dhe vetitë e letrës së lejes së re do të jenë speciale, e njëjtë me dokumentet e qarkullimit gjermane! Zvogëlohet në maksimum mundësia e manipulimit të të dhënave, për pasojë garantohet besueshmëria në qarkullim për çdo verifikim nga autoritetet brenda/jashtë vendit!
– Leja e re do jetë më e vogël, me tre pjesë, më praktike e rezistente, si edhe me çdo të dhënë të mjetit, të kodifikuar!
– Leja e re, falë cilësisë, sigurisë dhe përputhshmërisë me Direktivën 1999/37/EC e 29 Prillit 1999 (e përditësuar, 2014), eliminon nevojën për Leje Ndërkombëtare Mjeti! Qytetari lehtësohet nga kosto e angari që përsëritej çdo tre vjet”, shkruan ai.
Në përfundim Gonxhja sqaron se, leja e re nuk do të jetë e detyrueshme për qytetarët që kanë lejen aktuale të mjetit!
E.H/ gijotina.com/
