Gazetari Bledi Mane ka shpërthyer në kritika ndaj Arjan Canit. Në një emision televiziv Mane u ndal dhe te mbrojtja që Arian Çani i bëri rastit të Belerit, ku tha se Shqipëria është vend talebanësh dhe shqiptarët janë më keq se talebanët. Ndërkohë që grekët i quajti seriozë.
Mane tha se Çani është një person i cili pasurohet çdo ditë në Shqipëri, por e shan atë në çdo dalje të tij publike.
“Janë disa çështje Dhuli që kanë të bëjnë me sigurinë kombëtare. Unë dje zotëri kam mbetur i shokuar nga një tjetër Beler i medias shqiptare që quhet Arian Çani. Antishqiptari më i thekur i medias shqiptare, njeriu që pasurohet çdo ditë në Shqipëri dhe shan Shqipërinë. Arian Çani është njeriu që i hapen dyert, dritare, shpartallon nacionalizmin, shan kombin, shan popullatën dhe një tjetër Beleri i lihen këto hapsira. Belerit ia treguam vendin. Me kushtetutë asnjë vend nuk të lë të sulmosh atdheun tënd.” tha Mane.
Ai shtoi se nëse një gazetar grek do të fliste keq për kombin e vet, ai nuk do të mund të dilte më kurrë në televizionet greke.
Discussion about this post