Qysh kur i mori në dorë Blendi Gonxhe tenderat e larjes së çarçafëve, spitalet paguajnë më shtrenjtë dhe kontratat u bënë me afat më të gjatë. Dhe janë të njëjtat kompani që vazhdojnë të marrin këto lekë përmes tenderave të korruptuar.
Sipërmarrësja Kristinka Lenka cilësohet ndryshe si ‘Mbretëresha e Lavanterive të spitaleve’, për shkak se përfiton pa garë fare dhe me oferta të larta të gjitha tenderat. Pak ditë më parë gijotina.,com denoncoi tenderin me objekt “Shërbim i Lavanderisë dhe hotelerie për Spitalin Rajonal Elbasan”, nga i cili Leka përfitoi kontratën 1.3 milionë euro me “Flamur të kuq”.
Këtë herë i ajo ka hedhur në dorë edhe larjen e çarçafëve të Spitalit Vlorë.
Më datë 26 qershor 2024, Operatori i Blerjeve të Përqendruara, në varësi të Ministrisë së Ekonomisë, Kulturës dhe Inovacionit, hapi garën për tenderin me objekt ‘Loti 2: Shërbim i lavdërisë dhe hotelerisë për nevoja te Spitalit Rajonal Vlorë’. Për këtë shërbim janë vënë në dispozicion 1.8 milionë euro. Është lënë një muaj afat, por vetëm një ofertë është dorëzuar nga firma ABI’S” SH.P.K”, që rezulton të jetë e regjistruar me emrin ‘DEVIS shpk’ në pronësi të Kristinka Lekës.
Më 24 korrik është mbajtur tenderi edhe pse me mungesë konkurrentësh duhej te anulohej. E qartë që atë ditë është firmosur kontrata me fituesin, firmën Kristinka Lekës. E preferuara e Blendi Gonxhes u shpall fituese edhe pse kishte ofertën sa 100%e fondit limit, duke shkelur kështu edhe një tjetër rregull të prokurimeve publike.
Gjithsesi, si në rastin e spitalit të Elbasanit, edhe këtë kontratë Gonxhe e ka mbajtur larg syve të publikut deri më datë 10 shtator 2024. Leka që mori këtë dhuratë e ka fatin e kontratës për katër vite! Kështu, Gonxhe mund të mos jetë më ministër pas 2025, por kontrata mbetet varur.
Open Data Albania i ka vendosur tenderit ‘Flamurin e Kuq’, që është shenja e riskut të korrupsionit.
Sikur theksuam, firma “D E V I S” SH.P.K. duket se ka krijuar monopolin e larjes së çarçafëve për spitalet dhe madje as nuk guxon ndonjë firmë tjetër të marrë pjesë në garë.
Ndërkohë, Leka, është bashkëjetuesja dhe nëna e fëmijës së Lefter Lamajt.
Ky i fundit rezulton të ketë qenë themeluesi i kompanisë “D E V I S” SH.P.K. por që në datë 16.01.2008 ia ka kaluar të gjitha aksionet shtetases Kristinka Leka. Sipas mediave mësohet se Lamaj është arrestuar në vitin 2017 në Shqipëri dhe më pas u ekstradua në Itali. Ekstradimi u krye sepse në Itali ishte shpallur në kërkim ndërkombëtar për shkak të dhënies së masës së sigurisë “Arrest me burg” për “Shfrytëzim prostitucioni” dhe “Pjesëmarrje në organizatë kriminale”.
Sipas mediave të vendit fqinj, Lamaj cilësohej si një ndër bosët e padiskutueshëm të prostitucionit në Piacenza mes viteve 1990 – 2000. Në fakt, për Gonxhen kjo shkelje e ligjit nuk kanë rëndësi, edhe pse rregullorja ndalon përfshirjen në procedurat tenderuese të biznesmenëve që janë me precedent penale. Më keq akoma kur këto producentët janë nga mashtrimet me prokurimet!
Pra, kompania që pastronte lekët e krimit, tani lan çarçafët e Blendit.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post