Edhe pse vendi është në krizë, drejtori i DPSHTRR, Blendi Gonxhja, bën shpenzime luksi. Gjatë këtij muaji Drejtoria e Përgjithshme e Shërbimeve te Transportit Rrugor Tiranë ka zhvilluar një tender me objekt “Qiramarrje foni dhe stage”, i cili mban numrin e referencës REF-43949-09-29-2022. Duket e çuditshme që një institucion i cili ka në varësi një sektor të rëndësishëm si transporti, që aktualisht po përballet me shumë probleme, kërkon të shpenzojë për mikrofona dhe skena. E pra, drejtori Blendi Gonxhja ka vendosur të marrë nga taksat tona 60 milionë lekë për një tekë të tillë.
Qysh kur ka ardhur në krye të këtij institucioni, Gonxhja po realizon ëndrrat dhe hobitë e veta. Nuk mund të harrohet plani i Gonxhes dhe miliona euro që po shpenzon për ndërtuar pistën e Formual 1 në Elbasan. Gonxhja në bashkëpunim me FSHZH me datë 3 tetor kanë hapur në Agjencinë e Prokurimeve një tender për të nisur punimet për “Auto-Moto Park” me vlerë 298,225,490 lekë. Ndërsa një ditë më pas Gonxhja hapi një tjetër tender me vlerë 2 231 milionë lekë të reja po për këtë pistë garash. Tashmë me sa duket mikrofonat dhe skenat i duhen për të ndihmuar Veliajn në fushatën elektorale.
Kompania që do t’i japë Gonxhes mikrofonat është ASLV ALBANIAN SOUND LIGHTING & VIDEO, me administrator Altin Alizoti. Së pari nga dokumentet e publikuara rezulton se firma ASLV shpk nuk disponon asnjë lloj licence për të kryer aktivitete me kontratat partneritet publik-privat. Ndërsa më tutje vihet se, kjo kompani nga viti 2013 kur është regjistruar në Qendrën Kombëtare të Biznesit ka fituar 4 tendera nga Bashkia Tiranë, Korçë, Maliq dhe Lezhë.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post