GJKKO ka pranuar kërkesën për gjykim të shkurtuar për ish-deputetin e PD-së, Engjell Cara, ish-kandidatin demokrat për kryetar bashkie, Shkëlqim Hoxha si dhe Limon Shalën, Fatmir Thaçin e Florant Saraçin.
5 të pandehurit akuzohen nga SPAK se blenë vota, në zgjedhjet vendore të vitit 2023 në Bashkinë Rrogozhinë.
Sipas SPAK në përfundim të hetimeve të kryera, ka rezultuar se shtetasit Engjell Cara, Limon Shala, Fatmir Thaçi dhe Florant Saraçi ofronin bileta udhëtimi të parapaguara ndaj zgjedhësve në këmbim të votave për kandidatin Shkëlqim Hoxha në zgjedhjet bashkiake të vitit 2023.
Ata akuzohen për kryerjen e veprës penale,“Korrupsioni aktiv në zgjedhje”, e kryer në bashkëpunim dhe më shumë se një herë.
Ndërkohë, ish-kandidati i opozitës për kreun e Bashkisë së Rrogozhinës, Shëlqim Hoxha akuzohet për veprën penale“ Moskallëzim i krimit”.
Sipas SPAK regjistrimi i procedimeve është bërë mbi bazën e referimeve të përcjella nga strukturat hetimore pranë Drejtorisë së Policisë së Durrësit.
Discussion about this post