Aktivistja Evi Kokalari dhe këngëtarja Bleona Qereti rrezikojnë të përballen në gjykatë, konkretisht në atë të Shtetet e Bashkuara të Amerikës. Konkretisht, Marc. E. Kasoëitz, avokati i Qerretit që njihet gjerësisht edhe si një prej avokatëve të ish-Presidentit Donald Trump, i ka dërguar një letër Kokalarit, ku e akuzon atë për shpifje dhe i kërkon të ndalet.
Kasoëitz e paralajmëron aktivisten që të mos vijojë me deklaratat kundër këngëtares, pasi në të kundërt rrezikon të përballet në gjyq me të. Avokati shton se ndaj klientes së tij janë hedhur akuza të pabaza dhe një seri shpifjesh, që sipas tij kanë prishur reputacionin e këngëtares dhe biznesit të saj.
E nderuara zonja Kokalari: Përfaqësoj znj. Bleona Qereti. Ju keni bërë deklarata të shumta ne media dhe tek palë të tjera në lidhje me zonjën Qereti që ju e dini se janë haptazi të rreme, keqdashëse dhe shpifje, dhe në fakt e kanë dëmtuar reputacionin e saj dhe profilin e biznesit. Po ju shkruaj për t’ju kërkuar që menjëherë të pushoni dhe të hiqni dorë nga deklaratat e tilla për znj. Qereti. Nëse nuk pushoni, ne do të fillojmë menjëherë procesin gjyqësor në emër të saj dhe do kërkojmë dhe dëmshpërblim kundër jush. Ne rezervojmë të gjitha të drejtat dhe nuk heqim dorë nga asnjë. Sinqerisht, Marc. E. Kasoëitz.
Emri i Bleona Qerretit doli në listat e kandidatëve për anëtarë të Këshillit Kombëtar të PD-së. Por Bleona e refuzoi propozimin, duke theksuar se nëse do të punonte për ndonjë qeveri, ajo do të ishte qeveria e SHBA-ve. Ajo postoi një status në instagram, në të cilin kujtonte nënshtetësinë e saj amerikane duke shtuar se nuk mund të bëhej pjesë e një partie politike në Shqipëri.
Kokalari nga ana tjetër nuk e priti mirë reagimin e saj. Një ditë më parë, ajo e sulmoi publikisht këngëtaren. Madje në një postim në rrjetet sociale shkruante se Qerreti mund të ishte futur gabimisht në listën e kandidatëve, pasi sipas saj këngëtarja nuk ishte personi i duhur që mund të ndihmonte në ringritjen e PD-së, duke theksuar se mjafton të shiheshin fotot e këngëtares për ta kuptuar këtë gjë. Pikërisht kjo deklaratë cilësohet si prishje imazhi nga përfaqësuesi ligjor i këngëtares.
Discussion about this post