Nga Ylli Manjani
Gentian Trenova ishte prokurori i Krimeve të Rënda që urdhëroi përgjimet e kupolës së PS, e cila u lëshua për të marrë bashkinë e Dibrës, pas rënies “në krye të detyrës” e Shukriut të shkretë.
Përmbajtja e atyre përgjimeve ligjore disi ra në duart e BILD ,ku edhe u botuan të plota. Kujtoj këtu se as opozita e atëhershme nuk guxoi ti nxirrte ato përgjime… Ashtu do e ketë patur hallin…
Prokurorin Trenova, një profesionist korrekt me detyrën dhe pa asnjë shkelje apo shqetësim serioz për sistemin, e shkarkuan me vetting.
E shkarkuan pa asnjë shkak bindës. E shkarkuan se hetoi dhe zbuloi fakte të rënda të krimit zgjedhor nga kupola e partisë që sundon vendin. E kputi ai neni “ky ka sha mbretin”…
Kjo është përgjigja, e hidhur sa më ska, që shteti politik i ka dhënë deri më sot drejtësisë që ka guxuar të hetojë krimet zgjedhore në nivel të lartë. SHKARKIM!!!
Nuk mendoj se ka luftë kundër korrupsionit pa ndëshkuar më parë kryeveprën korruptive: blerjen ose marrjen me dhunë të pushtetit politik. Intimidimi i zgjedhësve është forma më e lartë e korrupsionin zgjedhor.
Duhet të fshijmë nga mendja se një pushtet i blerë do luftojë bakshishin qeverisës.
Nga ana tjetër, e kam mbështetur strukturën operacionale të SPAK për këto zgjedhje, sepse mundësitë janë që ata të bëjnë diçka në nivel të lartë.
E mbështes jo për të bërë replika me gjyqe komisionerësh e rrogëtarësh, as për maskarada të sajuara si ajo e Fredi Belerit, por për të vënë në vend dinjitetin e zgjedhjeve.
Mirë do ishte të bënim një palë zgjedhje pa lek-lek-lek. Pa intimidim të zgjedhësve, të cilët mirë që skanë ça të zgjedhin po të paktën të votojnë lirisht. Njëherë të vetme…!
Nëse vërtetë janë kundër pandëshkueshmërisë, mundësitë janë. I paguajmë nga taksat tona (jo nga Amerika) për të bërë këtë punë.
Poooor, Gent Trenova nuk është më prokuror. Është shkarkuar sepse faktoi, për herë të parë zyrtarisht, blerjen e zgjedhjeve…
Duhet ta themi edhe këtë…. Memoria është aty…
Discussion about this post