Teksa autorët për vrasjen e ish-policit u përpoqën të fshinin çdo gjurmë, policia po ushtron kontrolle me forca speciale në disa zona të qytetit të Laçit, pranë Fushë Kuqes. Autoblinda dhe forca të shumta policie kanë mbërritur në terren me shpresën e kapjes së autorëve të cilët dyshohet se ishin dy.
Dyshohet se për këtë ngjarje, kemi të bëjmë me vrasës me pagesë, pasi në vendin e krimit nuk është gjetur asnjë gëzhojë arme.
Sakaq burime për gijotina.com bëjnë me dije se targat e makinës rezultojnë të jenë të mbivendosura dhe janë targa greke.
Burime nga grupi hetimor konfirmojnë se makina është vjedhur para një muaji në Mbrostar të Fierit.
Ish-polici ka marrë dy plumba në trup nga tre herë që është qëlluar me pistoletë. Brenda makinës së djegur nuk është gjetur asgjë që mund të ndihmoj në hetime.
