Blinken: Anëtarë të krimit të organizuar po përfundojnë në burg

Sekretari amerikan i Shtetit, Antony Blinken, ka konfirmuar takimin me kreun e SPAK, Altin Dumani në mjediset e Piramidës, gjatë vizitës në Tiranë.

Blinken tha se anëtarë të krimit të organizuar janë duke përfunduar në procese gjyqësore dhe se ky proces duhet të ecë përpara.

“Sot kam pasur mundësi të takohem edhe me prokurorë e gjyqtarë, të cilët janë duke drejtuar reformat kryesore. Është e rëndësishme të kuptojmë që anëtarë të krimit të organizuar janë duke përfunduar në procese gjyqësore.

Ky është një proces dhe është e rëndësishme që vazhdon të eci përpara. Ne do të vazhdojmë të mbështesim Shqipërinë në anëtarësimin në BE, është ajo që populli meriton”, tha ai.

Antony Blinken është takuar me kreun e SPAK, Altin Dumani, kreun e ILD-së, Artur Metani, kreun e Gjykatës së Lartë, Sokol Sadushi dhe kryetaren e Gjykatës Kushtetuese, Holta Zaça.