Deputeti i PD-së, Edi Paloka, përmes një postimi në rrjetet sociale, ka ironizuar Lulzim Bashën dhe ata që e mbështesin atë, pas deklaratave të Sekretarit amerikan të Shtetit, Antony Blinken, që e konsideroi Edi Ramën një udhëheqës dhe kryeministër të mirë.
Paloka shkruan se është kuriozë të dijë se çfarë mendon Lulzim Basha dhe ata “euroatlantikët” për vlerësimet që Blinken i bëri Ramës?
“Kur Blinken firmosi “non grata”-n e Berishës , i thashe L.B se ky ishte një akt kundër PD , për të mbështetur Ramën.
Në atë moment L.B ishte dakord me këtë të vërtetë, por në shtator, pasi e kapën për veshi, ndërmori aktin e përjashtimit të Berishës pa pyetur asnjë prej nesh.
Justifikimi i tij, pas reagimit tim se me atë akt po shkatërronte PD, ishte se pas largimit të Berishës, “ata” do godisnin Ramën…!!!
I bëra të qarte që në rastin më të mire ky ishte naivitet dhe logjike absurde. Goditja e Berishës bëhej pikërisht për të kundërtën, pra për të mbrojtur e fuqizuar Ramën.
Por L.B vazhdoi edhe për ca vite të tjera të mashtronte ata që e ndiqnin se shumë shpejtë “ata” do largonin Ramën e do i dhuronin pushtetin L.B!
Prandaj jam kurioz sot të di , jo cfarë mendon L.B , se ai ka qenë i qartë që kur e morrën peng, po ata që i shkojnë pas duke përdorur të njëjtat justifikime.
Çfarë mendojnë sot për njeriun e Sorosit që firmosi për të shpallur “non grata” Berishën dhe quan “udhëheqës e kryeminister të shkelqyer” Ramën?”, shkruan Paloka.
Discussion about this post