Kuvendi i ka dërguar shkresë KQZ ku e njofton për krijimin e vakancës pas dorëzimit të mandatit nga ana e deputetit Alqi Bllako. Bllako dorëzoi ditën e djeshme mandatin e deputetit, çfarë pasoi sot me vetëdorëzimin e tij në Drejtorinë e Tiranës.
Efektivët e policisë kanë shkuar në banesën e Bllakos për ta shoqëruar në polici. Ai akuzohet për shpërdorim detyre dhe korrupsion në lidhje me inceneratorin e Fierit.
Largimi i Alqi Ballkos pas kërkesës për arrestim, rikthen në Parlament Pandeli Majkon. Ish-deputeti Majko nuk arriti të thyejë herësin duke qenë i renditur i 19-ti në listën e Qarkut Tiranës, e për pasojë mbeti jashtë politikës aktive.
Kodi Zgjedhor e parashikon se në momentin kur një deputet ose anëtar ndërpret mandatin, atëherë ky i fundit i kalon kandidatit që vijon në listën e së njëjtës parti në zonën zgjedhore përkatëse.
Discussion about this post