Vazhdon bllokada në Jarinje edhe sot kur u shënua dita e tetë që kur qeveria mori vendimin për vendosjen e reciporcitetit të targave me Serbinë. Protestues serbë vazhdojnë të mbajnë të bllokuar këtë pikë kufitare.
Mediat Kosovare bëjnë me dije se situata aktuale atje ishte e qetë derisa janë parë pjesëtarë të KFOR-it amerikan dhe polak. Patrullimin po e vazhdon edhe EULEX.
Por situata duket më ndryshe në orët e mbrëmjes kur temperaturat kanë rënë dhe ka filluar shiu. Sipas informacioneve, protestuesit serbë kanë ndezur zjarre për tu ngrohur derisa po këndojnë këngë me motive nacionaliste.
