Qendra Kombëtare për Menaxhim Kufitar (QKMK) ka bërë të ditur se rrugët që lidhin Serbinë me Kosovën përmes pikave kufitare në Jarinjë dhe Merdar, të cilat ishin bllokuar më herët nga qytetarë serbë, janë liruar për qarkullim.
“Ju njoftojmë se sipas informatave, rruga që shpie nga magjistralja e Rashkës për në PKK Jarinjë është zhbllokuar dhe është liruar për qarkullim,” thuhet në njoftimin e QKMK-së.
Qendra Kombëtare për Menaxhim Kufitar ka njoftuar se disa qytetarë të nacionalitetit serb kanë bllokuar magjistralen në Rashkë në drejtim të pikës kufitare në Jarinjë.
Sipas komunikatës zyrtare, si pasojë e këtij bllokimi, qarkullimi i automjeteve në hyrje të Republikës së Kosovës është tejet i vogël.
“Ju njoftojmë se, sipas informatave nga disa qytetarë, magjistralja në Rashkë në drejtim të Jarinjës është e bllokuar nga disa qytetarë serbë, si dhe është vërejtur më herët se qarkullimi i automjeteve në hyrje të RKS është shumë i vogël. Për çdo risi do t’ju njoftojmë me kohë”, thuhet në njoftimin e QKMK-së.
Ky nuk është bllokimi i parë i pikave kufitare. Më herët, qytetarë serbë kishin ndërprerë qarkullimin edhe në pikën kufitare të Merdarës.
Bllokadat vijnë në kohën kur në Serbi po vazhdojnë protestat që shprehin pakënaqësinë e qytetarëve ndaj zhvillimeve të fundit politike dhe reagimeve institucionale, pas incidentit në qytetin e Novi Sadit.
gijotina.com/
Discussion about this post