Kompania ANK shpk e cila po punon për ndërtimin e segmentit rrugor, pjesë e Korridorit Tetë, ka nisur punimet për shembjen e pjesës së rrezikshme në zonën e njohur si Kthesat e Dragostunjës, në aksin kombëtar Librazhd–Prrenjas, pas situatës së krijuar nga rrëshqitja e gurëve që solli bllokimin e qarkullimit.
Si pasojë e punimeve, qarkullimi në këtë aks vijon të jetë i kufizuar, ndërsa autoritetet u bëjnë thirrje drejtuesve të mjeteve të tregojnë kujdes dhe të ndjekin udhëzimet e shërbimeve në terren, deri në normalizimin e plotë të situatës.
Rikujtojmë se tenderin e kësaj rruge e ka fituar kompania A.N.K. në pronësi Agim Koles, të vëllait të deputetit socialist Ndue Kola. Kompania e tij ka marrë afro 4 milion euro shtesë për punime të paparashikuara dhe 1 kilometër e rrugës ka kushtuar 3 milion euro.
gijotina.com/
Discussion about this post