Një shqiptar raportohet se është arrestuar nga autoritetet spanjolle, të cilat bllokuan 1.7 ton kokainë në portin e Valencias.
Sipas një deklarate të Agjensisë Tatimore dhe Policisë Kombëtare spanjolle, shqiptari i arrestuar ka mbërritur në Spanjë nga Shqipëria për të mbikëqyrur transaksionin. Raportohet se shqiptari, emri i të cilit nuk bëhet publik, ka trajnime ushtarake dhe njohuri të larta operacionale.
Zyrtarët e Mbikëqyrjes Doganore të Agjencisë Tatimore, në një operacion të përbashkët me Policinë Kombëtare, kanë goditur rrugën kryesore të hyrjes së kokainës në Spanjë për kartelin ballkanik me kapjen e më shumë se 1700 kilogramëve kokainë në portin e Valencias dhe arrestimi i një prej anëtarëve të saj.
Kokaina ishte fshehur në kontenierë me fruta deti nga Ekuadori në mënyra të ndryshme, duke përdorur vrima në frigoriferin e kontejnerëve, duke projektuar dysheme false mbi to ose trarë me zgavra brenda për të vendosur lëndën narkotike.
Hetimi filloi kur u bë e ditur se rrjeti mund të importonte kontenierë detarë me fruta nga Ekuadori në baza javore që do të fshihnin sasi të konsiderueshme droge.
Discussion about this post