Era e fortë ka rrëzuar një pemë në afërsi të fshatit Bulgarec, përgjatë aksit nacional Korçë-Pogradec.
Për pasojë është bllokuar kalimi i mjeteve në njërin sens të rrugës. Pritet ndërhyrja e mjeteve të bashkisë për heqjen e pemës nga rruga nacionale dhe normalizimin e qarkullim.
Bllokimi i rrugës nga pema mund të bëhet burim aksidentesh nëse nuk ndërhyhet nga bashkia. Theksojmë se vetëm pak minuta më parë një aksident i rëndë është shënuar si pasojë e reshjueve të dendura të shiut në Tepelenë.
Ngjarja ka ndodhur në aksin rrugor Tepelenë-Levan. Mësohet se një automjet tip “Fiat” ka dalë nga rruga. Kjo besohet se ka ndodhur, për shkak të rrëshqitjes së mjetit nga shiu.
Fatmirësisht nga aksidenti nuk ka të lënduar, kurse policia është në vendngjarje. Pritet të zbardhen detaje pas hetimeve nga uniformat blu.
Discussion about this post