Reshjet e dendura kanë bllokuar aksin rrugor Lozhan-Moglicë. Sipas administratorit të Njësisë Administrative ne Moglicë nga reshjet e shumta të shiut aksi është bllokuar në të dy anët e hyrjes në këtë fshat pasi kanë dalë nga shtrati në disa vende përrenjtë.
Administratori Fetah Hoxha nga ana tjetër bën me dije se po punohet për normalizimin e situatës së krijuar pasi bllokimi i rrugës ka krijuar probleme në të anët e aksit nacional Gramsh- Moglicë.
Nga ana e administratorëve të njësive administrative Gorë dhe Moglicë nuk raportohen probleme përsa i përket furnizimit me energji elektrike. Prefekti i qarkut të Korçës Dhori Spirollari ka bërë me dije se në juglindje të vendit gjatë 24 orëve të fundit nuk ka pasur probleme të bllokimit të rrugëve në zonat malore ashtu siç nuk ka pasur probleme me energjinë elektrike.
