Bllokohet autostrada Durrës-Tiranë dhe rrugët dytësore

Një trafik i rënduar ka bllokuar ditën e sotme autostradën Durrës-Tiranë.

Gjithashtu problem është bërë edhe rruga dytësore, e cila gjithashtu është bllokuar.

Makinat qëndrojnë prej kohësh në vend, duke mos lëvizur as edhe një centimetër, që shkakton rritje të trafikut, teksa ende nuk ka shenja nëse situata do të kthehet në normalitet.

Policia rrugore bën me dije se shkak është bërë fluksi i lartë i pushuesve, ndërsa mësohet se përgjatë autostradës ka pasur një aksident fatmirësisht pa viktima, dhe ka siguruar edhe pamjet e mjetit të aksidentuar, pranë të cilit gjendet vetëm një makinë policie.

Trafiku prej aksidentit është krijuar 8 kilometra në ardhje, nga Maminasi deri pranë mbikalimit të Kasharit.

Gjithashtu mësohet se prej fluksit të lëvizjeve në autostradë krijohen përplasje të voglë mes makinave me dëma të vogla materiale, por që krijojnë radhtë kilometrike në rrugë.

gijotina.com/