Bllokohet skafi në Sarandë

2 muaj më parë

Policia Kufitare ka bllokuar gjatë ditës së sotme një skaf në Ksamil. Po ashtu bëhet e ditur se  pronari i mjetit lundrues është ndëshkuar me 2 masa administrative, konkretisht me 100.000 lekë dhe 10.000 lekë të rinj.

Ai nuk respektoi zonën e kufizuar për mjetet lundruese dhe nuk dispononte dokumentacionin përkatës, në bordin e mjetit.

Policia bën me dije se pronari i mjetit lundrues tip skaf, ishte shtetasi J. M., 49 vjeç, banues në Ksamil.

Po gjatë ditës së sotme, shërbimet e Policisë Kufitare, konstatuan një pushues duke notuar jashtë zonës kufizuese, në plazhin e quajtur “Centrale”, Sarandë, duke rrezikuar në një zonë në të cilën lejohet aktiviteti i mjeteve lundruese. Ky shtetas u rikthye në zonën e kufizuar për pushuesit.

Gjatë dy javëve të para të muajit Gusht, nga Policia Kufitare Sarandë, janë bllokuar 54 mjete lundruese, ndërkohë që përgjatë gjithë sezonit turistik e deri tani, në Sarandë, janë bllokuar gjithsej 86 mjete lundruese.

Të ngjashme