Policia e Tiranës ka vënë në pranga një 23-vjeçar të shpallur në kërkim në kuadër të operacionit të gjerë antidrogë të koduar “Blloku 33”. I riu, shtetasi A. H., ishte shpallur në kërkim pas vendimit të Gjykatës së Tiranës, e cila i kishte caktuar masën e sigurisë “arrest në burg” për veprën penale “Prodhimi dhe shitja e narkotikëve”.
Operacioni ka çuar deri tani në arrestimin e 25 personave nga 33 masa sigurie të lëshuara. 24 prej tyre janë me masën “arrest në burg”, ndërsa njëri me “arrest shtëpie”. Shtatë persona të tjerë vijojnë të jenë në kërkim.
Bilanci i sekuestrimeve deri tani përfshin:
-
1 kg e 964 gramë kokainë
-
450 gramë heroinë
-
85 kg lëndë e dyshuar narkotike Cannabis Sativa
-
2 armë zjarri (pistoleta)
-
29 telefona celularë
-
6 automjete
-
4 peshore elektronike
-
Shuma të konsiderueshme parash në vlera të ndryshme
Të arrestuarit janë të moshave nga 19 deri në 53 vjeç dhe përfshijnë emra si: Arnold Hida, Durim Gurzi, Artur Gurzi, Elvis Sejdo, Julian Bushati, Adnan Hida, Sabian Jashari, Mario Avdiaj, Geraldo Kovaçi, Albert Shushku, Emrah Mustafaj, Xhoana Rustemi (Hasani), Vladimir Qerimi, Myzafer Xhanari, Albi Shehu, Ledio Dervishi, Juljan Rabushja, Elisard Rrustaj, Kledi Sinani, Bledar Duka, Kevin Troplini, Samuel Demiri, Ardit Dervishi dhe Ledin Kazanxhi.
Ndaj Faik Kurtit është caktuar masa “arrest në shtëpi”.
Discussion about this post