Realizuan një video që bëri xhiro në rrjetet sociale, duke bllokuar rrugën gjatë një ceremonie martesore, janë proceduar penalisht nga policia e Lezhës 4 drejtuesit e Mjeteve. Gjithashtu, autoritetet kanë bllokuar 4 automjetet e tyre si dhe i kanë vendosur gjobë drejtuesve.
Ngjarja ka ndodhur në aksin rrugor Lezhë-Mamurras, në vendin e quajtur “Mbikalimi i Patokut”. Personat e arrestuar janë G. V., 32 vjeç, V. Ll., 32 vjeç, J. S., 21 vjeç dhe V. D, 45 vjeç, banues në fshatin Gorre, Kurbin, për veprat penale “Pengimi i qarkullimit të mjeteve të transportit” dhe “Prishja e rendit dhe qetësisë publike”.
Gjithashtu, në njoftimin e policisë thuhet se janë bllokuar 4 automjetet dhe për drejtuesit e tyre janë vendosur masa administrative që variojnë nga 50.000 deri në 100.000 lekë. Materialet hetimore i janë çuar Prokurorisë së Rrethit Gjyqësor Kurbin, për veprime të mëtejshme.
