Gjykata e Sarandës ka liruar sot biznesmenin e kondicionerëve me inicialet Dh.N, 36-vjecc, i arrestuar tre ditë më parë pasi në banesë, sipas policisë iu gjetën 2 armë zjarri luftarake dhe 1 revolver sportiv. Qysh në fillim biznesmeni sarandiot mbajti qëndrim mohues duke thënë se ato janë armë artizanale të blera në tregun e suvenireve në Greqi.
Por megjithatë policia e arrestoi me dy akuza. Shkak për kontrollin ishte fakti që banesa e biznesmenit ndodhej pas Supermarket “Halo”, në të cilin u vodhën 200 mln lek nga kasaforta të shtunën e kaluar.
Biznesmeni tha se i ishte prishur pajisja e regjistrimit të kamerave DVR dhe ndaj nuk mund ta ndihmonte policinë, por një kontroll në banesë për të vërtetuar këtë gjë, i zbuloi atij “armët”.
Gjykata megjithatë vendosi ekspertim për 2 revolverat dhe 1 pistoletë edhe pse dukshëm ato janë jashtë funksionit luftarak.
Discussion about this post