Blogerja e njohur bën deklaratën e fortë: Meshkujt tremben nga unë, bëj shumë gjëra në..

Blogerja Zhaklin Lekatari, është shumë sensitive kur bëhet fjalë për jetën e saj private. Por, së fundmi ka zgjedhur të rrëfejë disa detaje nga jeta e saj personale. Mbrëmjen e djeshme blogerja e njohur ka qenë e ftuar në emisionin “Natë më Aulonën” ku ka treguar se për shkak të deklaratave që bën mbi informacionet që lidhen me seksin apo raportin në çift, disa herë ka marrë reagime negative në rrjetet e saj sociale dhe jo vetëm, madje dhe kërcënime.

“Më ka ndodhur edhe në rrugë, më ka ndodhur që kam qenë e përndjekur, më ka ndodhur që kanë qenë përballë që më kanë ndaluar. Por në përgjithësi unë bashkëpunoj edhe me policinë, sivjet nuk kam bërë ende asnjë denoncim por vitet e kaluar kam bërë 4-5 denoncime në vit. Më thonin të mbyllja gojën, të mos flisja më, të mos bëja postime, të vdisja. Nga më të ndryshmet. Nuk kanë qenë njerëz që unë i njoh personalisht. Më ka ndodhur edhe dhunë fizike, më ka dhembur po edhe policia më ka ndihmuar”.

Nga ana tjetër, Zhaklina zbuloi se ka një dekadë që nuk është në një marrëdhënie dhe shtoi se shkak i kësaj gjendjeje është fakti se ajo i tremb burrat.

“Unë që kur kam filluar “Tabu” dhe deri tani, nuk kam pasur një marrëdhënie. Pra unë kam një dekadë që nuk kam asnjë lloj marrëdhënie sentimentale. Jam në një marrëdhënie me dikë që mund ta quaj partner. Sepse kjo gjë që bëj unë i tremb njerëzit. Unë i tremb burrat, ata tremben të raportohen me mua. Gjendem gjithmonë në një marrëdhënie që pas disa muajsh personi tjetër më thotë “ndihem inferior sepse ti bën shumë gjëra në krevat”.

Gjithashtu, në emision e pyetur se si lindi ky pasion për “Tabu”, Zhaklin tregoi se gjithçka ka nisur nga nevoja që ajo ka pasur për t’u shprehur pas një ngjarjeje të rëndë dhe negative që ka ndikuar në jetën e saj. Ajo shtoi se menjëherë ka marrë shumë reagime, pas nisjes së blogut të saj.

“Ky pasion lindi nga nevoja që unë kisha për t’u shprehur, për një ngjarje negative që mua më kishte ndodhur, që më kishte bërë të reflektoja shumë dhe më kishte ndryshuar plotësisht. Dhe aty mendova që eksperiencën time ta ndaja me vajza dhe gra të tjera. E kisha të nevojshme të ndaja revoltën time dhe inatin tim me të tjerë”.