Sekretari i Përgjithshëm i Partisë të Lirisë, Tedi Blushi ka publikuar disa foto nga mjerimi i familjes Kajremani që jetojnë 11 minuta larg qendrës së zbukuruar të Korçës.
Blushi shkruan në postimin e tij se kjo familje është braktisur prej vitesh nga Qeveria dhe Bashkia.
Ai shkruan më tej se kjo familje nuk merrë as asistencë, as ndihmë ekonomike dhe jetojnë në mjerim të plotë në Shqipërinë 3D që mburret për “rritjen ekonomike”.
Postimi:
A e shohin satelitët e Edi Ramës si do të festohet Viti i Ri në Goskovë?
Vladimir Kajremani dhe familja e tij jetojnë prej vitesh në një haur bagëtish 11 minuta larg qendrës së zbukuruar të Korçës.
Të braktisur prej vitesh nga Qeveria dhe Bashkia, të papunë, pa asistencë dhe ndihma ekonomike, jetojnë në mjerim të plotë në Shqipërinë 3D që mburret për “rritjen ekonomike”.
Realitet i dhembshëm që flet më shumë se fjalët! Një tjetër krim i “Rilindjes” dhe “shtetit social” që po i dënon me “vdekje” të varfërit, por që pasuron edhe më shumë të kamurit.
Discussion about this post