I ftuar në emisioni ‘Kafe Shqeto’ në SYRI TV ishte Sekretari i Përgjithshëm i Partisë së Lirisë, Tedi Blushi.
Blushi ka bërë me dije se kompania e Safet Gjicit nën emrin e vëllait të tij ka fituar tenderin gati 10 milionë euro për depot e ujit në Tiranë që në fakt janë bash dhe nuk kanë ujë brenda.
Ndër të tjera Blushi ka denoncuar dhe vendimin skandaloz që Veliaj bëri duke u betuar në një ambien dasmash dhe jo përpara këshillit bashkiak ashtu si është bërë në të gjithë këto vite demokracie.
“Kompania ligjore e Gjicit e ka fituar tenderin dhe ka qenë KLSH e cila e ka cilësuar tenderin me flamur të kuq, për nj fakt të thjeshtë që në këtë tender është shmangur gara. Këtu janë bashkuar 5 kompani me në krye kompania e zotit gjici ku të shmanget konkurrenca që të kemi një garë pa garë dhe në fund kjo ka fituar një tender gati 10 milionë euro për të survejuar me kamera depot e ujit në Tiranë.
Të shpenzosh miliona euro për të ruajtur depo ku nuk ka ujë brenda është qesharake dhe këto tendera duhet të përdoreshin për të siguruar me ujë qytetin e Tiranës pasi po digjet nga mungesa e ujit. Deri tani kompania e Gjicit ka fituar mbi 100 milionë euro nga tenderat në gati 7 vite, kompani e cila është kamofluar nën emrin e vëllait të tij.
Së fundmi u konstitua këshilli bashkiak e Tiranës, ne e kemi bërë të qartë angazhimin tonë ku së bashku me koalicionin bashkë fitojmë jemi të vendosur për të çuar përpara premtimet e mbajtur në fushatë ku do të kthejmë llogaridhënien në bashkitë e vendit. Tirana është pjesë e luanit ku tenderat korruptive po glojnë dhe së bashku me kolegët e partisë demokratike të vërtetë dhe jo asaj fake të vulës do të bëjmë transparencë për të gjitha aferat korruptive që Veliaj ka në plan të bëjë në kryeqytet.
Për fat të keq dje edhe mbledhja e parë filloj me një shkelje të rëndë ligjore dhe traditës Veliaj refuzoi dje të betohej përpara këshillit bashkiak por në një ambient dasmash ku tregon arrogancën dhe propotencën dhe nuk duhet të ishte zgjedhur dhe një herë kryebashkiak pasi e ka vendi në burg.”/ Syri.net
Discussion about this post