Sekretari i Përgjithshëm i Partisë së Lirisë Tedi Blushi ka publikuar një rast se si një 63-vjeçar në Shkodër është dënuar me 8 muaj burg. Kjo pasi personi në fjalë është konstatuar duke kryer punime pa leje në shtëpi.
Ai shprehet se syri i patronazhistëve të Edi Ramës që nuk sheh kullat pa leje në mes të Tiranës ka zbuluar rastin e 63-vjeçarit në një fshat të thellë malor, 2 orë larg Librazhdit.
Blushi shton se ky është një standard i dyfishtë dhe tregues se ky shtet po degradon në një regjim fashist që do të shembet para vullnetit të qytetarëve të lirë.
Statusi i Tedi Blushit
Fshati i thellë malor Skroskë ndodhet 2 orë larg Librazhdit, por syri vigjilent i patronazhistëve të Edi Ramës, që nuk sheh kullat pa leje në mes të Tiranës, zbuloi se 63-vjeçari Sami O., baba i 4 fëmijëve të mitur, po rregullonte pa leje banesën e tij.
Ndërkohë që oligarkët dhe klientët e Edi Ramës të kapur në flagrancë në zemër të kryeqytetit në shkelje të ligjit për kate, pallate dhe kulla pa leje amnistohen dhe nuk penalizohen, madje shpallen edhe fitues të tenderave dhjetëra milion euro, prindi i katër vogëlushëve Sami O. nga Skroska dënohet me 8 muaj burg në prag të festave të fundvitit.
Ky është standardi i dyfishtë dhe modeli qeverisës shtypës i Edi Ramës: Favorizim, legalizim, liri dhe pasuri për oligarkët dhe të fortët. Ndëshkim, arrestim, burg dhe mjerim për më të varfërit dhe më të dobtët.
Ky shtet që po degradon përditë në një regjim fashist do të shembet përpara vullnetit të qytetarëve të lirë!
Discussion about this post