Sekretari i Partisë së Lirisë Tedi Blushi ka postuar një video të kryeministrit Edi Rama. Pamjet shoqërohen me 4 fotografi të të rinjve që kanë ndërruar jetë në vitin e fundit.
Blushi shton se Rama ka 4 viktima në ndërgjegje pasi vrasësit me uniformë policie po i vrasin të rinjtë shqiptarë, në rrugë, plazhe dhe komisariate.
“Katër viktima në ndërgjegjen e Edi Ramës! Fund vrasjeve të të rinjve nga Policia e Shtetit! Vrasësit me uniformë të Policisë së Shtetit po u marrin jetën të rinjve shqiptarë në rrugë, në plazhe dhe në ambientet e Komisariateve. Këto ngjarje tragjike dhe tronditëse nuk do të jenë të fundit sa kohë në pushtet të jetë Edi Rama, Bledi Çuçi dhe falangat e tyre të inkriminuara në Policinë e Shtetit. Sot, e premte, në ora 20:00, të gjithë në protestë para Ministrisë së Brendshme!”-shkruan Blushi në postim.
Discussion about this post