Boçi: Ata që mbollën persekutimin e Shkodrës, do të korrin ndëshkimin nga shkodranët

Drejtuesi politik për qarkun e Shkodrës Luçiano Boçi, bashkë me kandidatin për deputet te PD, Bardh Spahia, kanë zhvilluar këtë të martë takime me qytetarët shkodranë.

Boçi shkruan në një postim në FB, se entuziazmi për 11 Majin ka rinovuar energjinë dhe shpresën pas viteve të lodhjes. Sipas tij, ata që kanë kontribuar në persekutimin e Shkodrës do të përballen me ndëshkimin e merituar nga shkodranët.

“Sot me Bardhin, në çdo cep. Ata që mbollën persekutimin e Shkodrës, do të korrin ndëshkimin nga shkodranët. Entuziazmi për 11 Majin ka hedhur pas lodhjen e këtyre viteve. Mjaft atyre, koha e Shkodrës!” shkruan Luçiano Boçi.