Situatë absurde, e konsideron ish-deputeti demokrat Luçiano Boçi, atë që po ndodh mes SPAK e GJKKO në njërën anë dhe ish-Kryeministrit Sali Berisha në anën tjetër.
Në emisionin “Open” Boçi u shpreh se hetimin e Berishës ka shumë absurditet dhe konflikt interesi. Ai theksoi se një nga gjyqtaret e çështjes, Irena Gjoka, është në konflikt interesi, pasi shumë vite më parë është shkarkuar nga detyra pikërisht nga Sali Berisha.
“Jemi në një situatë absurde… avokatët kanë paraqitur fakte dhe prova bindëse që gjyqtarja është në konflikt interesi. Thelbi i hetimit ndaj Berishës është konflikt interesi, dhe trupa gjyqësore që e gjykon është në konflikt interesi.
Është hetim politik ndaj Berishës si drejtues i PD, por dhe ndaj opozitës dhe PD në tërësi. Unë nuk kam dëgjuar ndonjë herë masë arrest shtëpie me mbikëqyrja dhe ndërprerje e komunikimit me publikun.
Kjo e drejtë është e drejtë thellësisht dhe njerëzore, aq më tepër kur i atashohet një njeriu me fuqi politike. Ka shumë mospërputhje ligjore”, tha Boçi.
Discussion about this post