Boçi: Me mbështetjen e qytetarëve drejt finishit më 14 Maj

Kandidati i koalicionit ‘Bashkë Fitojmë’ për bashkinë Elbasan, Luçiano Boçi shprehet se në zgjedhjet e 14 majit, qytetarët do të shpallin ndryshimin.

Boçi shkruan në ‘Facebook’ se me ekipin e tij është kudo për të kërkuar pjesëmarrje masive të qytetarëve që të votojnë në zgjedhjet, për ta çuar Elbasanin drejt zhvillimit.

Postimi:

Drejt finishit. Me ekipin fitues dhe me mbështetjen e qytetarëve të mi kudo në Elbasan.

Jemi kudo në çdo pjesë të territorit të Elbasanit për të kërkuar pjesëmarrje masive në plebishitin e 14 majit, ditën që do të lidhim një kontratë morale dhe qytetare, për ta çuar Elbasanin në një destinacion të ri zhvillimor ku do të duhej të ishte prej kohësh!

Në 14 maj, ju shpallni ndryshimin.