Kandidati i koalicionit opozitar “Bashkë Fitojmë” për bashkinë e Elbasanit, Luçiano Boçi, ka zhvilluar një takim me pensionistë të këtij qyteti, ku ndër të tjera ka theksuar domosdoshmërinë për t’i ardhur në ndihmë kësaj shtrese.
Postimi
Pensionistët meritojnë mirënjohje dhe respekt?
➡️Me kënaqësi ndava bisedat dhe kafen e mëngjesit me zonja dhe zotërinj të nderuar, të cilët pas kontributeve dhe angazhimeve të tyre profesionale tashmë kanë dalë në pension.
Elbasani sot nuk u kthen atyre asgjë nga ajo që meritojnë. Sot pensionistët e kanë të kushtëzuar jetesën, shëndetin, ushqimin nga mbështetja e fëmijëve. Për institucionet ata ekzistojnë vetëm kur vijnë fushatat, përmes shpërblimeve të pakta, si joshje për t’ua marrë sërish votën. Bashkia vërtetë nuk e ka mundësinë të rrisë pensionet, por pushteti vendor ka gjithë hapësirën të lehtësojë jetën e tyre.
✅️Prandaj ne duam që pas 14 majit, Bashkia të mbështesë financiarisht transportin falas për pensionistët, të krijojë një ambjent shplodhës në qendër të qytetit ku në shenjë solidariteti dhe mirënjohjeje kafja të ofrohet falas dhe më kryesorja të krijojmë një rrjet vullnetarësh të rinj, që ndihmojnë dhe shërbejnë të moshuarit për blerjen e ilaçeve dhe ushqimeve.
Discussion about this post