“T’i përgjigjemi propagandës me të vërteta!” Kjo është motoja kryesore me të cilën po e zhvillon fushatën e tij në Elbasan, kandidati demokrat për kryetar bashkie, Luçiano Boçi.
Edhe sot Boçi ka publikuar në Fb, pamje nga lagjet me gropa e baltë të Elbasanit të drejtuar nga socialisti Gledian Llatja.
“Ka pak për të thënë përballë asaj që banorët shohin çdo ditë në rrugët e Elbasanit. Propaganda po punon me xhiro të shpejta, për të mbuluar atë që i është bërë qytetit në këto 16 vite!
Por qytetarët e Elbasanit nuk jetojnë në filmat me metrazh të shkurtër që shfaqen në rrjetet sociale të Aktivistit të bashkisë, ata përballen dhe kalojnë çdo ditë në këto rrugë!”, shkruan Boçi.
Discussion about this post