Nënkryetari i PD-së, Luçiano Boçi u shpreh pas dorëzimit të kërkesës nga 45 deputetë të opozitës për ngritjen e komisionit parlamentar hetimor, mbi lidhjet e kryeministrit Rama me ish zyrtarin e FBI-së të arrestuar, Charles McGonigal, se Rama nuk do shpëtojë kësaj radhe, por do të vijë si si ‘çeço’ dhe do përgjigjet
“Kemi firmosur 45 deputetë për të ngritur komisionin hetimor që të nxjerrim Ramën nga vrima e kamares. Jo vetëm komisioni do e nxjerr nga kamaria, por dhe protesta e 11 shkurtit. Rregullorja e përcakton qartë se kur ¼ e deputetëve kërkojnë ngritjen e komisionit, është detyrim që të ngrihet. Rama ka harxhuar taksat e shqiptarëve. S’do shpëtojë kësaj radhe. Ai do vijë në Komision Hetimor si ‘çeço’ dhe do përgjigjet. Ky komision do marrë detajet dhe do kërkojë të gjitha takimet e Ramës dhe skandalin e tij për të korruptuar institucionet e qeverisë amerikane, me qëllim goditjen e sistemit të pluralizimit në Shqipëri, dhe opozitës. Gjithçka do kthehet në bumerang”, tha Boçi.
Discussion about this post