Nënkryetari demokrat i selisë blu, Luçiano Boçi, deklaroi se masat ndaj ish-kryeministrit Sali Berisha u vendosën pa asnjë provë dhe dokument.
Deklarata
Sot Edi Rama, bastardi direkt i xhelatëve Kristaq Rama dhe Spiro Koleka, i shërbyer nga ish-xhelati, oficeri i policisë sekrete të Enver Hoxhës, Arben Kraja, prokurorja Millonai, e denoncuar dhjetëra herë për lidhjet me krimin dhe dhunimin e të drejtave të njeriut, së bashku me gjykatësen Gjoka, të shkarkuar si e papërshtatshme nga detyra me 2 shkurt 1996, vendosën pa asnjë provë, fakt apo dokument por të bazuar fund e krye në falsitet masa kufizuese tipike për narkodiktaturat.
Kështu, sot Edi Rama në një akt urrejtje të papërmbajtur politike, urdhëroi mercenarët e vet në prokurori dhe gjykatë, Arben Kraja, ish-xhelat, oficeri i policisë sekrete i regjimit komunist dhe Enkeleda Millonai, prokurorja e SPAK me lidhje të ngushta me krimin, dhe gjykatësen Gjoka, e shkarkuar nga detyra nga Sali Berisha në vitin 1996, që të vendosin kryetarin e PD-së Sali Berisha në arrest shtëpie, me mbikëqyrje policore dhe ndalim të plotë komunikimi.
Me këto akte, Edi Rama dhe mercenarët e tij dhunojnë Kushtetutën, Konventën Evropiane të të Drejtave të Njeriut dhe rendisin Shqipërinë, vend anëtar i NATO-s krahas diktaturave si ajo e Rusisë, Bjellorusisë, Ugandës, Venezuelës, etj.
Me këto masa mafioze dhe staliniste, kreu i narkoshtetit shqiptar, Edi Rama mendon se do realizojë ëndrrën makabër të një Shqipërie pa opozitë të paraardhësve të tij, babait të tij biologjik xhelat, që urdhëronte varjen në litar në gusht të vitit 1988 të poetit Havzi Nela dhe dajës famëzi, Spiro Koleka, që kërkonte të fuste tanket kundër studentëve që në vitin ‘90.
Me këto masa që shpalli sot Edi Rama ndaj Sali Berishës, që tejkalojnë në rrafshin e komunikimit edhe ato që Putini ka vendosur ndaj Navalnit, Edi Rama dhe mercenarët e tij dëshmojnë se ata i ka kapur tmerri nga humbja e kontrollit mbi opozitën dhe motoja e saj: O sot, o kurrë, në betejë pa kthim për përmbysjen e narkoregjimit të parë dhe të vetëm në Europë.
Partia Demokratike denoncon me ashpërsinë më të madhe këto akte antikushtetuese të Edi Ramës dhe deklaron se me asnjë masë, me asnjë vendim, Sali Berisha dhe kjo parti nuk mund të mposhten, por do vazhdojnë betejën e tyre pa kthim kundër diktaturës së Edi Ramës, që ka shndërruar aleancën me krimin në forcën kryesore shtypëse dhe vendimmarrëse në Shqipëri.
Partia Demokratike i thotë Edi Ramës se me këto akte vetëm sa afron fundin tënd të merituar. Ajo ka denoncuar dhe do të denoncojë të gjitha vjedhjet monstruoze që iu bën shqiptarëve me qeverinë si organizatë kriminale, por edhe me familjen tënde të ngushtë mafioze, ne bashkëpunimin tënd si grup i strukturuar kriminal me Pëllumb Gjokat, Hysët e Sinaloas së Meksikës, apo McGonigalin, Nezën dhe Duçkën tënd. Partia Demokratike nuk do të falë kurrë rrëmbimin e votës së lirë të shqiptarëve, mohimin e të drejtave kushtetuese të opozitës dhe vendosjen në arrest të liderit të saj, Sali Berisha.
Partia Demokratike iu bën thirrje anëtarëve dhe mbështetësve të saj, por edhe mbarë shqiptarëve të vazhdojmë: O sot, o kurrë betejën tonë pa kthim për rivendosjen e pluralizmit politik dhe ndëshkimin e merituar të Edi Ramës, armikut më të egër të qenies, identitetit, dinjitetit dhe lirive të shqiptarëve.
Discussion about this post