Deputeti i PD Luçiano Boçi ka deklaruar për mediat se masa disiplinore e lëshuar nga Kuvendi nuk e pengon dot atë dhe 7 kolegët e tij të hyjnë në Parlament. Sipas tij, në vendimin që ai disponon në dorë thuhet qartë që është masë disiplinore që iu heq atyre të drejtën të kërkojnë fjalën, por në asnjë pikë nuk pretendon të drejtën për të qenë fizikisht në sallë.
“Ja ku kemi vendimin në dorë, është e qartë që flitet për masë disiplinore që ne nuk na lejohet të flasim por jo të mos shkojmë në Kuvend. Sepse sipas këtyre i bie që mos takojmë as njerëzit. Edhe rregullorja e Parlamentit thotë shprehimisht se unë në këto 10 ditë nuk kamë të drejtë të kërkojë fjalë as për procedurë, por jo të më pengojnë të hyjë në sallë. S’ka masë disiplinorë që të më pengojë të hyjë në Kuvend, pasi Parlamenti më jep fjalën e lirë”, tha ai. Ndërsa më herët ai ka debatuar me punonjësit e Gardës ku i tha se ata po bëhen mish për top për Lindita Nikollën.
Discussion about this post