Ish-deputeti demokrat, Gert Bogdani ka zbuluar ambicien e tij për të garuar për Bashkinë e Tiranës. Bogdani në një intervistë për “OraNews” , shprehet se nëse lidershipi i PD-së do ta vlerësonte ai do ta pranonte kandidimin për kryetar bashkie në zgjedhjet lolake në Tiranë.
“Nëse lidershipi i PD-së do ta vlerësonte një gjë të tillë dhe baza do ta mbështeste, unë patjetër që nuk do t’i them jo një sfide, sado të vështira që kanë qenë. Do të ishte një sfidë e vështirë, duke parë edhe situatën aktuale, por nuk është e pamundur.
Tirana ka ende mundësi që të bëhet një qytet i jetueshëm për banorët. Nuk është gjë e keqe të bësh pallate, por është ideja ta bësh me një plan konkret. Bulevardin e kanë bërë këtu e 80 vite para me 10 korsi, ndërsa sot bëhen rrugët e ngushta, se duan të bëjnë pallate,”- u shpreh ai.
Discussion about this post