Bogdanoviç: Urdhër i Vulin, serbët në veri të…

Kryetari i Lëvizjes Qytetare “Odgovor”, Boban Bogdanoviç thotë se Vulini ka urdhëruar serbët në veri të mos fillojnë mësimin me 1 shtator.

Përmes një postimi në platformën X, Bogdanoviç thotë se ky vendim do ta përshkallëzojë edhe më tej situatën në veri të Kosovës.

“Sipas informacioneve që kam, Aleksandar Vulin, drejtor i BIA-s, ka lëshuar një urdhër që ndalon fillimin e rregullt të vitit shkollor për nxënësit serbë në veri të Kosovës! Do të organizohen mësimi nga distance (online)! Ky vendim është vazhdimësi e përshkallëzimit të konfliktit!”, ka shkruar politikani serb.

Kryetari i Lëvizjes Qytetare “Odgovor”, Boban Bogdanoviç ka thënë se në të kaluarën ka pranuar telefonata në këmbim që të mos kritikohet Lista Serbe dhe presidenti serb Aleksandar Vuçiç./Telegrafi