Ditën e sotme, në gjykatën e rrethit Gjyqësor të Fierit duhet të zhvilloheshin 50 seanca gjyqësore, por prej bojkotit të avokatëve nuk janë zhvilluar. Në ditët në vijim, nga 15 qershori janë planifikuar për seancë gjyqësore 43 gjyqe ndërsa më 16 qershor janë 69 gjyqe.
Në të gjithë vendin ka nisur bojkoti i Dhomës së Avokatisë për të gjitha shkallët e gjyqësorit deri ditën e premte, 17 qershor. Në kundërshti të hartës së re gjyqësore, avokatët kanë vendosur të mungojnë në seancat gjyqësore, përveç atyre ku jepen masat e sigurisë.
Kreu i Dhomës së Avokatisë së Shqipërisë, Maksim Haxhia ka bërë me dije se bojkoti po funksionon në të gjitha gjykatat në rang vendi. Sipas tij, deri më tani nuk është menduar për të shkuar deri në Gjykatën Kushtetuese pasi ka bindjen se qeveria do të reflektojë.
Discussion about this post