Deputetja e Partisë Demokratike, Flutura Açka ka folur për gazetarët pas përfundimit të mbledhjes së Këshillit Kombëtar.
Açka tha se janë zgjedhur 8 anëtarët e Komisionit Zgjedhor duke i hapur rrugën edhe zgjedhjes së kryetarit të ri të PD.
Ajo shtoi se i gjithë procesi që do të ndiqet do i jap PD një kryetar dinjitoz.dhe i gjithë procesi do tëjetë dinjitoz. Sakaq e pyetur për bojkotimin e 17 deputetëve të PD, Açka tha se kushdo ka të drejtë të mendojë ndryshe por është shumica ajo që vendos.
“Zgjodhëm 8 anëtarët e Komisionit Zgjedhor. Procesi të mos ndalet por të vazhdojnë, të gjitha strukturat do të garantojnë proces transparent. Do i japë PD një kryetar dinjitoz. Është një këshill në funksion dhe do të marrë vendime të tjera të rëndësishme.
Çdo anëtar i Këshillit Kombëtar ka të drejtën të mbajnë qëndrimin e tyre. Referojuni statutit. Teknikalitetet janë të botuara.
Sekretari i përgjithshëm ka kërkuar të mblidhet Këshillin Kombëtar. Bardhi, si një njeri që e dua dhe e çmoj shumë… më vjen keq që ju e quani refuzim, por kjo nuk nënkuptoj që partia ka luksin të humbë ndonjë anëtar të saj. Partia jonë ka qenë pjesë e këtyre institucioneve.”- u shpreh Açka.
Discussion about this post