Pas bojkotit të Komisionit Hetimor, anëtarja e PS, Blerina Gjylameti ka shpërthyer me akuza të forta ndaj kryetarit Enkelejd Alibeaj për të cilin tha se po shkel ligjin duke vendosur në rrezik veprimtarinë hetimore.
“Kuvendi nuk mund do të kthehet në seli partiake. Kryetari shkel rregulloren e kuvendit. Ne kemi kërkuar të votojmë rendi i ditës, të zgjidhjet sekretari dhe më pas të miratohet edhe rregullorja e brendshme e këtij Komisioni Hetimor”, tha Gjylameti.
Në dalje nga Kryesia e Kuvendit, Gjylameti theksoi 3 kërkesat e PS: Të votohet rendi i ditës, të zgjidhjet sekretari dhe më pas të miratohet edhe rregullorja e brendshme e këtij Komisioni Hetimor.
“Ne bëmë kërkesë për pushim 5 minuta, jo vetëm që nuk u lejuam por kryetari Alibeaj vijoi në kundërshtim me ligjin paligjshmërinë në Komisionin Hetimor ku po rrezikohet veprimtaria e tij. Kryetari abuzon me procedurën që prek opinionin publik shqiptar, e kanë seriozisht hetimin këta? Apo e kanë si justifikim për humbjen e radhës. Marrim proceduat ligjore për shkelje kushtetuese të kryetari. Ne kemi vazhduar për të bërë thirrje për të rikthyer ligjshmërinë në Komisionin Hetimor. Duhet të vijmë zgjedhjen e sekretarit rregullimi i rregullores dhe plani për hetimin dhe më pas me marrjen e provave dhe thirrjen e dëshmitarëve. Komisioni shkel rregulloren dhe nuk ka kod zgjedhje është e vetmja mënyrë që na lejon të hetojmë për ngritjen e këtij çështje. Jemi duke prit që kryetari të reflektojë”, u shpreh ai.
Sipas saj, në Komision nuk u shkel vetëm ligji, por edhe Kodi i Sjelljes, ndërsa kërkoi transparencë për qytetarët.
